【裝修心法】蝸居空間唔見使 實用裝修心法提昇空間感
香港地寸金尺土，蝸居成為都市常態。雖然地方細細，但好好裝修佈置，一樣可以住得舒適。今次就介紹幾個小戶型的裝修秘訣，教大家營造舒適的安樂窩！ 唔好以為蝸居一定唔好住，好好規劃空間，都可以創造自己小天地。 1. 善用「奇則」 香港樓宇設計「奇則」處處，創意無限，睇到可能會得啖笑，但在呎價高企的年代，不少買家都要焗住買。看似「得物無所用」的空位，如果能夠加以善用，隨時能夠改變室內格局！例如「蚊型」開放式單位，配搭特大窗台，驟眼看來只能用來放雜物衣飾；其實可以考慮將大床「騎」上窗台，又或者用來放置梳化，室內就能闊落得多，亦有更多空間招呼客人。至於樓底高的單位，可考慮善用優勢，向上發展加建閣樓。 屋企細細就更要善用空間，一物多用嘅變形傢俬就啱晒。 2. 度身訂造傢俬 地方小就更要善用空間，一尺一寸都不能浪費。相比起現成傢俬，訂造傢俬就更能貼合蝸居的需要。訂造傢俬時亦記得要創造更多收納空間，例如可考慮塌塌米地台床，把地台當成衣櫃，收納換季衣物。另外，坊間亦有不少變形傢俬，例如書枱變形床，白天把床板拉起就能變身書枱，一物二用絕對慳位。 地方唔大，但善用色調同採光，可以加強空間感。 3. 色調燈光配搭
